لي كلمة(ن) لو قلتها تغني عن بحور الكلام
تغني الفقير وتكرمه دامه توصّف بالمقال
(المرجله) عز وفخر ماهي بكلمه والسلام
لي فرقّت بين الرجال وبين ذريات الرمال
راعي المعاني فالعرب له بالفخر اعلى مقام
واللي عديم(ن) مذهبه ماينفعه جاه(ن) ومال
بسألْك ياراعي الغنى وش فايدة مال الحرام
مالك وجاهك والغنى كلّه معرّض للزّوال
الفلوس ماتشري الطبع والحلم ذا صعب المرام
وان كنت تحلم بالسنع ابشر ترى حلمك خيال
خذها ف بالك حكمة(ن) ماينشرى طبع الكرام
ولا يندعي طير(ن) بلا تلواح(ن) يجيبه محال
من عاشر اطباع الردّى ماعاش له طبعه ودام
مات الشعور بخافق(ن) قاصر عمر لو فيه طال
حامض يقول انّ العنب لي ماقدر قَطْـفه ورام
دايم يذم الي يشوفه مبعد وصعب المنال
الشيخ شيخ بهيبته لامن قعد أو يوم قام
والمرجله ماهي لحى من فوقها غتره وشال
واللي رفيع(ن) منزله مفنود من بين الانام
الفرق واضح بينهم واسمعه منّي هالمثال :-
شوف الضبع لاشاف صيده سايس وراوغ وحام
وشوف الصقر لو شاف طير(ن) ماتراجع بالمجال
ماهي من اطباع الصقور تخاوي طيور الحمام
ولاهي من اطباع الرجال تخاوي انصاف الرجال
وسلامتكم
مـــــــنــــــــقـــــــــول
اخوكم زلزال الشرقية نضال الشمري™.
